काठमाडौ | चैत्र २० गते देखि राजधानी केन्द्रित सडक आन्दोलनमा रहेका शिक्षकहरुको माग सम्बन्धमा छलफलका लागि सरकार तथा शिक्षक महासंघका प्रतिनिधिहरु बीच अहिले सिंहदरबार स्थित शिक्षा मन्त्रालयमा वार्ता सुरु भएको छ | शिक्षा मन्त्रि रघु जी पन्तको नेतृत्वमा सरकारले वार्ताको तयारी गरेको थियो | शिक्षक महासंघका प्रतिनिधिहरु आज दिनभर वार्ताका लागि आन्तरिक छलफलमा रहेको बताइएको थियो | हिजो अबेर सम्म सरकार र शिक्षकहरु बीच एक चरणको छलफल हुँदा वार्ता सहमति नजिक पुगेको बताएको थियो | आज वार्ता निष्कर्षमा पुग्ने अनुमान गरिएको छ |
